Vladımır Groısman Ýkraınanyń ýaqytsha premer-mınıstri bolyp taǵaıyndaldy
ASTANA. QazAqparat - Ýkraına premer-mınıstriniń mindetin ýaqytsha atqarýshy bolyp vıtse-premer, TKSh jáne qurylys, óńirlerdi damytý mınıstri Vladımır Groısman taǵaıyndaldy, dep habarlady vesti.ru.
"Úkimet otyrysynda premer-mınıstrdiń m.ý.a bolyp Vladımır Groısman taǵaıyndaldy", - dep jazdy Ýkraına ІІM basshysy Arsen Avakov Facebook áleýmettik jelisindegi paraqshasynda, dep habarlady "Interfaks". Budan buryn Ýkraına premeri Arsenıı ıAtsenıýk Joǵarǵy Radada óziniń otstavkaǵa ketetini jóninde aıtqan.
Trıbýnadan sóz sóılegen ıAtsenıýk onyń úkimeti qazirgideı oryn alǵan jaǵdaıda qoldan kelgenniń bárin istegenin aıtty. Ol 2014 jyly 27 qańtarda «Eýropalyq tańdaý» depýtattar fraktsııasynyń parlamenttik koalıtsııa qurylǵan soń úkimetti basqarǵan. Joǵarǵy Rada ókili Aleksandr Týrchınov keshki jalpy otyrysta bul koalıtsııa óz isin toqtatqanyn jarııalady.
