Vladımır Gazzaev «Aqtóbe» fýtbolshylarymen kezdesti
ASTANA. QazAqparat - Búgin «Aqtóbe» klýbynyń basshylyǵy fýtbolshylarǵa jańa bapker Vladımır Gazzaevti tanystyrdy. 34 jastaǵy reseılik mamandy tanystyrýǵa «Aqtóbe» FK-nyń prezıdenti de keldi.
Osetııalyq fýtboldyń ókili V.Gazzaev bapkerliktegi eńbek jolyn 2009 jyly «Alanııa» fýtbol klýby bas bapkeriniń kómekshisi qyzmetinen bastaǵan. 2011 jyly «Alanııanyń» bas bapkeri atandy. Onda ol qatarynan úsh maýsym ótkizdi. Onyń qol astynda atalmysh klýb Reseıdiń Premer-lıgasyna óte aldy. Biraq kóp uzamaı qaıta shyǵyp qalǵan bolatyn.
