Vladımır Chebýrın fýtboldan Qazaqstan jastar quramasynyń tizginin ustady

ASTANA. KAZINFORM – Qazaqstandyq maman Qazaqstan U-21 quramasynyń aǵa bapkeri qyzmetine taǵaıyndaldy. 

Qazaqstanda Vladımır Chebýrın qaraǵandylyq «Shahter», kókshetaýlyq «Oqjetpes» klýbtaryn jattyqtyrdy. Ol sondaı-aq sheteldik klýbtarmen de bas bapker retinde jumys istedi. Atap aıtqanda, lıtvalyq «Krýoıa», «Sýdýva» jáne «Jalgırıs» komandalarynda úzdik jumysymen kózge tústi. 

«Sýdýva» men «Jalgırıs» klýbtarymen birge alty márte Lıtva chempıony atanyp, úsh ret Lıtva Kýbogyn jáne eki ret Sýperkýbokty jeńip aldy. Sonymen qatar Lıtvada úsh márte jyldyń úzdik bapkeri dep tanyldy. 

Eske sala keteıik, buǵan deıin Talǵat Baısýfınovtiń Qazaqstan ulttyq quramasynyń bas bapkeri qyzmetine úshinshi ret taǵaıyndalǵanyn jazǵan edik.