Vladımır Chebýrın «Atyraý» bas bapkeri qyzmetinen ketti
ASTANA. KAZINFORM — Qazaqstandyq maman Vladımır Chebýrın eki jaqty kelisim boıynsha «Atyraý» fýtbol klýbynyń bas bapkeri qyzmetinen ketti.
Bul jóninde komandanyń baspasóz qyzmeti málim etti.
Ol 2026 jyldyń 6 naýryzynda komandanyń tizginin ustap, osy ýaqyt aralyǵynda bas bapker retinde 19 kezdesý ótkizdi.
— Klýbymyz Vladımır Nıkolaevıchke atqarǵan eńbegi, kásibıligi jáne komandaǵa qosqan úlesi úshin alǵys bildiredi. Birge ótkizgen ýaqyt, jeńister men qıyn sátter klýb tarıhynyń bir bóligi bolyp qala beredi. Vladımır Nıkolaevıchke aldaǵy bapkerlik mansabynda sáttilik, myqty densaýlyq jáne jańa jeńister tileımiz, — dep jazylǵan habarlamada.
Vladımır Chebýrın sporttaǵy jolyn Qaraǵandy qalasynda bastap, jergilikti «Shahter» klýbynda dop tepken.
Bapker retinde Qaraǵandynyń «Shahter» klýbymen birge 2009 jyly Qazaqstan chempıonatynyń qola júldesine qol jetkizdi. Sondaı-aq el kýbogynyń fınalyna joldama aldy. Oǵan qosa «Okjetpes» klýbyn qaıtadan Qazaqstan Premer-lıgasyna alyp shyqty.
Otandasymyz halyqaralyq deńgeıde de aıtýly tabystarǵa jetip, Lıtvanyń «Sýdýva» klýbymen birge úsh ret el chempıony boldy. Komanda eýrokýboktarda sátti óner kórsetip, UEFA týrnırleriniń pleı-off kezeńine deıin jetti. Keıin Lıtvanyń «Jalgırıs» klýbymen birge úsh márte el chempıony jáne eki ret Lıtva kýbogynyń jeńimpazy atandy. Sondaı-aq Vladımır Chebýrın Lıtvada úsh ret «Jyl bapkeri» ataǵyna ıe boldy.
