Vladımır Bojko: Rezeńke betperdeni óndirý sonshalyqty qıyn ba?
ASTANA. QazAqparat - QR Parlamenti Májilisi tóraǵasynyń orynbasary Vladımır Bojko Qazaqstanda gaztutqysh (protıvogaz) óndirýdegi kemshilikterdi atady, dep habarlaıdy QazAqparat tilshisi.
Aıta keteıik, búgin Májiliste qorǵanys-ónerkásiptik keshendi damytý máseleleri talqylandy.
Qorǵanys jabdyqtaryn shetelden satyp alýdy doǵaryp, otandyq kásiporyndarda óndirýdi bastaý kerektigine toqtalǵan Bojko, «Osy oraıda hımııalyq, bakterıologııalyq jáne radıatsııalyq qorǵanys quraldaryna nazar aýdarǵan jón. Atap óter bolsaq, 3-4 jyldan beri bizge birneshe mıllıon gaztutqyshtar (protıvogaz) kerektigin aıtyp kelemin. Qazirgi kezde olardy birtindep taǵy da shetelden satyp alýdamyz. Osynyń óndirisin uıymdastyrý sonshalyqty qıyn bolǵany ma?», - dedi.
Bul turǵyda ol osy másele buǵan deıin birneshe ret aıtylǵanyn sóz etti.
«ıAǵnı rezeńke betperde men aýany tazartý súzgisiniń óndirisin qurý qıyn emes sekildi. Bul jaıynda kóbiret aıtyldy ǵoı, alaıda ilgerileý joq», - dedi Májilisi tóraǵasynyń orynbasary.
Budan buryn habarlanǵandaı, Úkimet saǵaty barysynda bıyl Qazaqstanda Mı-8/17 tikushaqtaryn qurastyrý bastalatyndyǵy málim boldy.
Sonymen qatar Qorǵanys jáne aeroǵarysh ónerkásibi mınıstri Beıbit Atamqulov Qazaqstannyń optıkalyq qurylǵylary eksportqa baǵyttalǵanyn atap ótti.
