Vladımır Bojko kóshi-qon polıtsııasyndaǵy kemshilikterdi atady

ASTANA. QazAqparat - QR Parlamenti Májilisi tóraǵasynyń orynbasary Vladımır Bojko Qazaqstannyń kóshi-qon polıtsııasyndaǵy sybaılas jemqorlyqty qadaǵalaýdy kúsheıtýge shaqyrdy, dep habarlaıdy QazAqparat.

«Kóshi-qon polıtsııasy qatarynda sybaılas jemqorlyq men ózge de qyzmetin teris paıdalaný faktilerin anyqtaý boıynsha jumystardy kúsheıtý qajet. Osy oraıda UQK-nyń jedel-izdestirý qyzmeti men ІІM-niń ózindik qaýipsizdik jáne kadrlyq apparat qyzmetterin nyǵaıtý kerek bolyp tur. (...) OQO boıynsha Kóshi-qon polıtsııasy basqarmasynyń basshysynyń ustalýy faktisi áli kúnge deıin ІІM-niń bul bóligindegi jeke quramnyń qatarynda kemshilikter bar ekenin ańǵartady», - dedi A. Bojko.

Onyń sózine qaraǵanda, 2015 jyly kóshi-qon polıtsııasyna qatysty 9 qylmystyq is, 2016 jyly - 6 qylmystyq is, 2017 jyly 6 qylmystyq is qozǵaldy.

«Kóshi-qon rejimin buzǵandardy májbúrli túrde shyǵarý boıynsha zańnamalyq bazany jetildirý turǵysynda usynystar ázirlep, Parlamentke engizý qajet. Ol úshin vedomstvoaralyq topty quryp, ózara is-qımyldy jaqsartýdyń qadamdaryn jetildirý kerek. Bul rette Bas prokýratýranyń kózqarasymen kelisemiz jáne osy sharalardy uzaqqa sozbaý kerek», - dep tapsyrdy Bojko.