Vladımır Bekker sý qorshaýynda qalǵan aýyldyń jaǵdaıy týraly aıtty
NUR-SULTAN. QazAqparat - Ótken demalys kúnderi Aqmola oblysyndaǵy Kolýton ózeninde sý deńgeıi kóterilip ketti. Sodan Eski Kolýton aýylynyń 20 aýlasyn sý basqan. Atalǵan eldi meken avtokólik qatynasynan da qol úzip qaldy, dep xabarlaıdy QazAqparat tilshisi.
Tótenshe jaǵdaılar komıtetiniń tóraǵasy Vladımır Bekkerdiń aıtýynsha, búgin Eski Kolýton aýylyndaǵy sý deńgeıi tómendeı bastady.
«Kesheden beri sý deńgeıi 13 santımetrge tómendedi. Biraq ázirshe asyqpaı-aq qoıaıyq. Sál kúte turǵan durys. Degenmen, aldaǵy eki-úsh kúnde Astraxan aýdanyndaǵy sý tasqynynyń qaýpi seıile bastaıdy degen senim bar. Avtokólik qozǵalysy áli ashylǵan joq», - dedi V.Bekker elordada ótken baspasóz máslıxatynda.
Aıta keteıik, keshegi brıfıngte komıtet basshysy Astraxan aýdany boıynsha birneshe aýylda jaǵdaıdyń kúrdeli ekenin jetkizgen edi. TJK baspasóz qyzmetinen habarlaǵandaı, 7 sáýir kúni Astrahan aýdanynda Kolýton ózeninde sý deńgeıiniń kóterilýine baılanysty Eski Kolýton aýylyndaǵy 20 aýlany sý alyp ketken.
«Aýlalardaǵy sý deńgeıi 30 santımetr bolyp otyr. Búgin boljam boıynsha Kolýton men Eski Kolýtonda sý deńgeıiniń kóterilýi shyrqaý shegine jetýi kerek. Astrahan aýdany boıynsha Kolýton, Eski Kolýton jáne ıAgodnaıa aýyldary boıynsha jaǵdaı kúrdeli bolyp tur. Eski Kolýton avtokólik baılanysynan úzilip qaldy», - dep atap kórsetti V.Bekker.
