Vladımır Bekker qutqarýshylardyń aýyr jumysy týraly aıtty
NUR-SULTAN. QazAqparat - QR ІІM Tótenshe jaǵdaılar komıtetiniń tóraǵasy Vladımır Bekker qutqarýshylardyń aýyr jumysy týraly aıtyp berdi, dep xabarlaıdy QazAqparat tilshisi.
«Qazir sý tasqyny máselesi bitpeı jatyp, tabıǵı órt problemasy bastalyp jatyr. Mysaly, kúni keshe ǵana bir táýliktiń ishinde eki dala órti boldy. Pavlodar oblysynda 250 gektar jer janyp ketse, Shyǵys Qazaqstan oblysynda Besqaraǵaı aýdanynda 200 gektar órttendi. Bylaısha aıtqanda, tóteshe jaǵdaıdyń bir túrinen ekinshisine kóship jatyrmyz. Qysta boranmen kúresip, jolda turyp qalǵan adamdardy qutqaramyz. Al jazda mamyr aıynda sel júrý qaýpi bastalady. Sondyqtan qý qýsyryp otyratyn ýaqyt joq», - dedi V.Bekker Astanada ótken baspasóz máslıxatynda.
Onyń aıtýynsha, búginde «Iá, daýyldy eskertý áli de bar. Men búgin ǵana Qaraǵandy, Solústik Qazaqstan, Aqmola, Batys Qazaqstan, Qostanaı oblystarymen sóılestim. Barlyǵynda jaýyn-shashyn boldy. Túrkistan oblysy boıynsha da daýyldy eskertý bar. Taýly jerlerde jaýyn-shashyn bolady deıdi. Sonyń bári ózen-sýlardyń deńgeıin kóterip jibreýi múmkin. Sondyqtan ázirshe jaǵdaı turaqtaldy deýge bolmaıdy. Menińshe, kelesi apta oıdaǵydaı ótse, bári durys bolady. Qatty jańbyr jaýmasa boldy», - dep atap kórsetti V.Bekker.
Aıta keteıik, búgingi brıfıngte komıtet basshysy Aqmola oblysynda Jabaı men Kolýton ózenderiniń sýy kúrt kóterilgenin málimdedi. Al Soltústik Qazaqstan oblysynda eki aýyldyń turǵyndary óz úılerine qaıta bastady. V.Bekkerdiń sózine qaraǵanda, Qaraǵandy oblysy boıynsha sý tasqynynyń eń qaýipti kezeńi artta qaldy. Budan bólek, ol Pavlodar oblysyndaǵy respýblıkalyq mańyzy bar joldyń sýdan buzylýyna sebep bolǵan máseleni atady.
