Vladımır Bekker ІІM TJ komıtetiniń tóraǵasy bolyp taǵaıyndaldy

ASTANA. QazAqparat - Búgin, 14 qańtarda QR Іshki ister mınıstriniń orynbasary V.K. Bojko Qazaqstan Respýblıkasy Іshki ister mınıstri Q.N. Qasymovtyń QR ІІM TJ komıteti tóraǵasynyń orynbasary azamattyq qorǵaý qyzmetiniń polkovnıgi Vladımır Robertovıch Bekkerdi osy Komıtettiń tóraǵasy etip taǵaıyndaý týraly 2016 jylǵy 13 qańtardaǵy buıryǵyn QR ІІM TJ komıtetiniń ujymyna jarııa etti.

Azamattyq qorǵaý polkovnıgi Vladımır Robertovıch Bekker 1965 jylǵy 18 qarashada Semeı oblysy Úrjar aýdanynyń Blagodatnoe aýylynda týǵan.

1997 jyly Qazaqstan Respýblıkasy Іshki ister mınıstrligi Almaty joǵary tehnıkalyq ýchılışesin «Órt qaýipsizdigi» mamandyǵy boıynsha úzdik támamdady. 2005 jyly Shyǵys Qazaqstan oblysy óńirlik ýnıversıtetin «Zań» mamandyǵy boıynsha bitirdi.

Azamattyq qorǵaý salasynda 1986 jyldyń qazan aıynan bastap qyzmet atqarady.

1991 jylǵa deıin ártúrli orta jáne aǵa basqarýshy quram laýazymynda qyzmet atqardy. 1991 jyldyń sáýir aıynan bastap 2008 jyldyń qyrkúıek aıyna deıin basqarýshy laýazymda qyzmet atqardy.

2008 jyldyń qazan aıynan bastap - Qazaqstan Respýblıkasy TJM Órtke qarsy qyzmet komıteti tóraǵasynyń orynbasary.

2014 jyldyń kazan aıynda Qazaqstan Respýblıkasy Іshki ister mınıstrligi Tótenshe jaǵdaılar komıteti tóraǵasynyń orynbasary bolyp taǵaıyndaldy.

Ol ІІ dárejeli «Aıbyn» ordenimen, «Qazaqstan Respýblıkasynyń táýelsizdigine 20 jyl» mereıtoılyq medalimen, І, ІІ, ІІІ dárejeli «Órtke qarsy qyzmet organdaryndaǵy minsiz qyzmeti úshin» medalimen, «Tótenshe jaǵdaılardyń aldyn alýda jáne joıýda úzdik shyqqany úshin», «Tótenshe jaǵdaılar organdarynyń ardageri», «Órt sóndirý qyzmetiniń úzdigi» tósbelgilerimen, «Tótenshe jaǵdaılar organdarynyń qurmetti qyzmetkeri» ordenimen marapattalǵan.

«Áskerı qyzmet jáne áskerı qyzmetshilerdiń mártebesi týraly» Qazaqstan Respýblıkasynyń zańyna sáıkes general-maıor V.V. Petrov kelisimsharttyń aıaqtalýyna jáne basqa jumysqa aýysýyna baılanysty QR ІІM Tótenshe jaǵdaılar komıtetiniń tóraǵasy qyzmetinen bosatyldy, dep habarlady QR ІІM TJ komıtetiniń Memlekettik til jáne aqparat basqarmasynan.