Vladımır Bekker Aqmola oblysyndaǵy sý tasqyny jaǵdaıy týraly aıtyp berdi
NUR-SULTAN. QazAqparat - QR Іshki ister mınıstrligi Tótenshe jaǵdaılar komıtetiniń tóraǵasy Vladımır Bekker Aqmola oblysyndaǵy tasqyn jaǵdaıy qandaı qaýip týdyryp turǵanyn aıtyp berdi, dep habarlaıdy QazAqparat tilshisi.
TJK baspasóz qyzmetinen habarlaǵandaı, 7 sáýir kúni Astrahan aýdanynda Kolýton ózeninde sý deńgeıiniń kóterilýine baılanysty Eski Kolýton aýylyndaǵy 20 aýlany sý alyp ketken.
«Aýlalardaǵy sý deńgeıi 30 santımetr bolyp otyr. Búgin boljam boıynsha Kolýton men Eski Kolýtonda sý deńgeıiniń kóterilýi shyrqaý shegine jetýi kerek. Astrahan aýdany boıynsha Kolýton, Eski Kolýton jáne ıAgodnaıa aýyldary boıynsha jaǵdaı kúrdeli bolyp tur. Eski Kolýton avtokólik baılanysynan úzilip qaldy», - deıdi Vladımır Bekker vedomstvoda ótken brıfıngte.
Komıtet tóraǵasy óz sózinde sý tasqynymen atalǵan óńirde kúres qalaı júrgizilip jatqanyn da tilge tıek etti.
«Jergilikti ákimdiktiń jáne TJK bólimsheleri qyzmetkerleriniń kúshimen ınertti materıalǵa toltyrylǵan 3 200 qap qoıyldy. 1 500 metrge deıingi jer qorshaldy. Osy atqarylǵan sharýalardy arqasynda turǵyn úılerdi sý alyp ketýge jol berilmedi. 8 sáýir saǵat 11.00-degi jaǵdaı boıynsha sýdyń 3 santımetrge azaıǵany anyqtaldy», - deıdi spıker.
Sonymen birge, Vladımır Bekkerdiń aıtýyna qaraǵanda, turǵyn úılerge sý alyp ketpes úshin qazirgi ýaqytta úı mańdaryn qum toltyrylǵan qappen qorshaý jumystary atqarylýda. Sý basý qaýpi bar aýyldarǵa qor retinde aldyn ala azyq-túlik men alǵashqy qajetti kerek-jaraqtary jetkizilip qoıǵan.
Atalmysh jumysqa «Kolýton» JShS-nyń 17 adamy, TJB qyzmetkerleri, 7 arnaıy tehnıka men 1 qaıyq jumyldyrylǵan.
«Býrabaı aýdanynda qolǵa alynǵan sharalardyń arqasynda «Klımovskaıa» sý qoımasyndaǵy sý deńgeıi 59 santımetrge jetti. Ol jerde qaýip týdyrýy múmkin deńgeı - 120 santımetr. Tórtinshi qosymsha aınalmanyń arnasy keńeıtildi», - deıdi ol.
Eske sala ketsek, ótken aıdyń sońynda QR ІІM Tótenshe jaǵdaılar komıteti Aqmola jáne Qaraǵandy oblystarynda sý basý qaýpi bar aýmaqtarda aldyn alý sharalary men qaýipterdi joıý jumystary júrgizilip jatqanyn málim etken edi.
Óz kezeginde Aqparat jáne kommýnıkatsııalar mınıstri Dáýren Abaev sý tasqynymen júrgizilip jatqan kúreske qatysty pikir bildirgen bolatyn.
