Vladıkavkazdaǵy joıqyn jarylys: Sýpermarkettiń tas-talqany shyqty
VLADIKAVKAZ. TASS-QazAqparat – Soltústik Osetııada Vladıkavkaz qalasyndaǵy «Magnıt» sýpermarketinde jarylys bolyp, ǵımarat tutastaı qırady. Bul týraly juma kúni Soltústik Osetııa ІІM baspasóz qyzmeti málimdedi, dep habarlaıdy QazAqparat TASS agenttigine silteme jasap.
«Gagkaeva kóshesindegi «Magnıt» sýpermarketinde jarylys boldy, ǵımarat tolyǵymen opyrylyp tústi. Sebebi belgisiz», - dedi ІІM baspasóz qyzmeti.
Óńir basshysy men úkimettiń baspasóz qyzmeti jýrnalısterge TJ saldarynan bir adam zardap shekkenin habarlady. Boljam boıynsha, ol sýpermarkettiń kúzetshisi.
Sondaı-aq respýblıkanyń Densaýlyq saqtaý mınıstrligi úıindi astynda adamdar bolýy múmkin ekenin málim etti.
