VKontaktede tanysqan jigitpen kezdesýge ketken almatylyq oqýshyny 4 táýlikten beri tappaı jatyr
ALMATY. QazAqparat - Almatylyq oqýshy qyz VKontakte arqyly tanysqan jigitpen kezdesýden soń joǵalyp ketken, dep habarlaıdy QazAqparat tilshisi.
Anasy Natalıanyń aıtýynsha, 13 jastaǵy Galına úıden jeksenbi kúni 12:30-da shyǵyp ketken. Keterinde Kolıa Volnov degen balamen kezdesýge baratynyn aıtqan. Anasyna ol keshki 4-te kelemin dep ýáde bergen.
Ekeýi sońǵy ret Іle aýdanyndaǵy mekteptiń mańaıynda kezdesip, sodan izim- ǵaıym joq bolyp ketken.
«Qyzym Kolıamen 1-2 apta buryn Vkontakte jelisinde tanysqan eken. Galınanyń dosy keıin maǵan aıtty. Sol kezde alǵash ret kezdesýge bara jatqan. Ol bala da bizdiń mektepte oqıdy eken. Bilýimshe, áleýmettik jaǵdaıy tómen otbasynan shyqqan. Buryn velosıped urlaǵany úshin qylmysty bolǵan eken», - dedi anasy Natalıa.
Galınanyń telefony keshki 11:00-ge deıin qosylyp turǵan. Odan keıin óship qalǵan.
Qazir Іle aýdandyq ІІB Galına ıApsqa izdeý jarııalady.
