VKontaktede sýıtsıdti nasıhattaıtyn 13 qoǵamdastyq anyqtaldy
Bul týraly oblystyq prokýratýrasynyń baspasóz hatshysy Seıil Botakóz habarlady. Ony aıtýynsha, jastardyń sýıtsıdke barýǵa áser etetin sebepterdi zerdeleý barysynda áleýmettik jelilerdiń kóp yqpal etetini anyqtalǵan. Monıtorıng kórsetkendeı, jasóspirimderdiń basym kópshiligi bos ýaqytynda VKontakte áleýmettik jelisine kóp nazar aýdarady.
Oblys prokýrory Halıdýlla Dáýeshovtyń málim etýinshe, osy rette Qyzylorda qalalyq prokýratýrasymen VKontakte ınternet resýrsyndaǵy júrgizilgen monıtorıng nátıjesinde jasóspirimderdi sýıtsıdke ıtermeleıtin, ony nasıhattaıtyn 13 qoǵamdastyq (soobşestva) anyqtalyp, onda qalada ornalasqan 26 orta mekteptiń 47 oqýshysy atalǵan paraqshalarǵa jazylǵandyǵy nemese jıi kirgenderi belgili bolǵan.
18 tamyzda qalalyq prokýratýra oblystyq baılanys jáne aqparattandyrý ınspektsııasyna atalǵan qoǵamdastyqtarǵa shekteý qoıý týraly talapnama joldaǵan. Inspektsııanyń jaýabyna sáıkes, atalmysh saıttarǵa shekteý qoıyldy.