«VKontakte» jelisindegi almatylyqtardyń narazylyǵyn týdyrǵan top jumys istemeı tur

ALMATY. QazAqparat - VKontakte áleýmettik jelisinde ata-analardyń narazylyǵyn týdyrǵan «Ýrody goroda Almaty» toby jumys istemeı tur. Bul týraly habarlama jeliniń paraqshasynda jarııalanǵan, dep habarlaıdy QazAqparat tilshisi.

Sonymen qatar, akkaýntta aldynda jarııalanǵan barlyq aqparat, pikirler, sýretter tolyǵymen joıylǵan.

Alaıda, qoǵam narazylyǵyn týdyryp otyrǵan osyǵan uqsas «Otbrosy etogo pokolenııa Almaty» toby áli jumys istep tur. Toptaǵy sońǵy jazbasynda toptyń ákimshileri paraqshadaǵy ata-analardyń toptan shyǵýyna kóz jetkizýin suraǵan.
 

Aıta ketý kerek, QR Aqparat jáne kommýnıkatsııalar mınıstrligi «VKontakte» jelisindegi bul toptardyń jumysyn tekserip jatyr. «Bul toptardyń kontenti saraptamaǵa tekserýge alyndy. Eger saraptama top jumysynan zańǵa qaıshylyq tapsa, onda bul resýrstarǵa tyıym salynady», - dedi mınıstrlikten.