«VKontakte» qoldanýshysy «syńar» akkaýnt arqyly elden aqsha aldap alǵan
Bul týraly Nur-Sultan qalasy Polıtsııa departamentiniń baspasóz qyzmeti habarlady.
«Kúdikti jeli qoldanýshylarynyń paraqshalaryn aına qatesiz kóshirip alyp, «dostarynan» elektrondy tólem arqyly shuǵyl aqsha aýdarýdy suraǵan. Boıjetken jelidegi «syńarynyń» atynan joldaǵan habarlamada shuǵyl jaǵdaıǵa tap bolǵanyn aıtyp, qaryzǵa aqsha suraıdy. Ádette, 5-15 myń teńge kóleminde ǵana alyp otyrǵan. Bul aılaǵa jeli qoldanýshylarynyń kóbi aldanǵan. Búginge deıin alaıaqtyq faktisi boıynsha elorda polıtsııasyna búkil Qazaqstannan 40 azamat júgindi. Keltirilgen zalaldyń jalpy somasy eseptelip jatyr», - dep jazady departamenttiń baspasóz qyzmeti.
Jedel-izdestirý is-sharasynyń aıasynda polıtsııa qyzmetkerleri elordanyń 19 jastaǵy turǵynyn kúdikti retinde ustaǵan.
«Kúdiktiniń ústinen «Alaıaqtyq» baby boıynsha qylmystyq is qozǵaldy. Polıtsııa azamattarǵa jelide otyrǵan kezde saq bolý kerektigin eskertedi. Sizden tanysyńyz áleýmettik jeli arqyly qaryzǵa aqsha surasa, júbe-júz kezdesýdi usynyńyz», - dep keńes beredi polıtsııa ókilderi.