Vızasyz rejım: Qazaqstanǵa kelgen qytaılyq azamattar zańdy qanshalyqty jıi buzady
ASTANA. KAZINFORM — Іshki ister mınıstrliginiń Kazinform saýalyna bergen jaýabynda Qazaqstanǵa kelgen Qytaı azamattarynyń arasynda zań buzǵandardyń úlesi neshe paıyz ekenin aıtty.
— Jalpy Qazaqstan Respýblıkasyna kirgen QHR azamattarynyń ishinde quqyqbuzýshylardyń úlesi 0,3% paıyzdy ǵana quraıdy, — dep jazylǵan jaýapta.
Aıta ketý kerek, Qazaqstan 2023 jyldyń 10 qarashasynan beri Qytaı Halyq Respýblıkasymen vızasyz rejım engizgen bolatyn.
— Osy kelisimge sáıkes eki el azamattary jeke, týrıstik, iskerlik jáne ózge de qysqa merzimdi saparlar úshin árbir kirý kezinde 30 kúnge deıin, alaıda 180 kúntizbelik kún ishinde jıyntyǵy 90 kúnnen aspaıtyn merzimge vızasyz kirip-shyǵa alady. Jyl basynan beri kóshi-qon zańnamasyn buzǵany úshin 25 711 sheteldik ákimshilik jaýapkershilikke tartyldy (QR ÁQBtK 517-baby boıynsha), olardyń 5 230 sot sheshimimen elden ákimshilik tártippen shyǵaryldy, — dep jazady ІІM baspasóz qyzmeti.
Alaıda quzyrly organ naqty neshe qytaı azamaty elden deportatsııalanǵany týraly suraqty jaýapsyz qaldyrǵan.
Byltyr kúzde Shyńjań-Uıǵyr avtonomııalyq raıonyndaǵy shekara beketteri arqyly eki el azamattarynyń kirip-shyǵý sany 4,64 mıllıon adamǵa jetkenin jazǵan edik.
