Vızasyz rejım engizilip, shekteýlerdiń barlyǵy alyndy - Qazaqstandaǵy Qytaı elshisi

Qazaqstan – Qytaı 2030 jylǵa qaraı taýar aınalymy 40 mlrd dollarǵa jetýi múmkin Bıyl 10 qarashada Qazaqstan men Qytaı azamattary úshin vızasyz rejım kúshine endi. Bul - azamattar úshin erekshe mańyzy bar eki memleket basshylarynyń mańyzdy sheshimi. Kúrdeli formaldylyqtar men bıýrokratııalyq kedergilerdiń joıylýynan soń, ne ózgerdi? Qytaı Halyq Respýblıkasynyń Qazaqstan Respýblıkasyndaǵy Tótenshe jáne Ókiletti Elshisi Chjan Sıao óz kózqarasymen bólisti, dep habarlaıdy Kazinform.

«Qazaqstan úshin Qytaı – ekinshi ekonomıkalyq álem. Bul - sheksiz múmkindikteri bar úlken naryq. Ol degenimiz iri kásipkerler, shaǵyn jáne orta bıznes, jastar, týrızm, taǵy sol sııaqty. Vızasyz rejım engizilip, shekteýlerdiń barlyǵy alynyp tastaldy, bul Qytaı úshin de mańyzdy. Kásipkerlerge bul jaqtan seriktester tabý jáne bıznes qurý endi ońaı. Bul ekonomıkaǵa oń áser etedi», - dedi elshi Chjan Sıao.

Odan bólek, elshi Qytaı men Qazaqstannyń ekonomıkalyq ózara is-qımyly týraly aıta kele, bıyl 10 aıda eki eldiń taýar aınalymy 32,7 mlrd dollarǵa jetkenin málimdedi. Bul - ótken jyldyń 10 aıymen salystyrǵanda úshten birine jýyǵy.

«Jyl sońynda dınamıkany arttyryp 37-38 mıllıard dollarǵa rekordty jańartatyn bolamyz. Ótken jyldyń basynda bizdiń elderimizdiń basshylary Beıjińdegi kezdesý barysynda 2030 jylǵa qaraı taýar aınalymyn 40 mlrd dollarǵa jetkizý mindetin qoıdy. Aǵymdaǵy qarqynmen jáne taýar aınalymynyń ósýimen biz bul mindetti kelesi jyly dál oryndaımyz. Eki eldiń kóshbasshylarynyń jańa tapsyrmalary jańa mindetter júkteıdi, bul eki el úshin de tıimdi bolady dep oılaımyn», - dedi Chjan Sıao.