Vızanyń merzimin ótkizip alǵan nıgerııalyq erteń eline oralady
AQTÓBE. QazAqparat - Eline orala almaı 3 aı boıy Aqtóbede júrgen Manası Ogaraıo erteń poıyzǵa minedi, dep habarlaıdy QazAqparat tilshisi.
Manası Ogaraıo mamyr aıynda jumys izdep kelip, Qazaqstanda bolý vızasynyń merzimin ótkizip alǵan. Ózi jumys izdep júrgende elinde qalǵan ákesi kóz jumyp, otbasy kútip otyrǵanyn kúnde áleýmettik jeli arqyly jetkizedi. Buǵan deıin habarlaǵanymyzdaı, sheteldik azamat kóshi-qon talaptaryn buzǵany úshin ákimshilik jaýapqa tartylyp, sot sheshimi shyqty.
«Ákimshilik is boıynsha sot sheshimi shyǵyp, Manası Ogaraıo elden shyǵarylatyn boldy. Erteń ol Aqtóbe-Almaty poıyzymen jóneltiledi. Bılet alyndy, qujattary daıyn»,- dedi oblystyq ІІD baspasóz qyzmeti.
Aıta keteıik, Manası Ogaraıo aldymen Almatyǵa baryp, keıin Túrkııaǵa ushady. Sol elden Nıgerııaǵa baǵyt alady.
