«Vıtıaz» oıynshysymen bolǵan tóbeleste alǵan jaraqatyna baılanysty «Barys» hokkeıshisi D.Mırastı muz aıdynyna tek 2013 jyly shyǵady
ASTANA. 5 jeltoqsan. QazAqparat - «Barystyń» shabýylshysy Djon Mırastı Trevor Gıllıspen (chehııalyq «Vıtıaz») arada bolǵan tóbelesten birqatar jaraqattar aldy jáne muz aıdynyna 2013 jyly ǵana oralady, dep habarlady Vesti.kz.
Esterińizge sala keteıik, bul oqıǵa 3 jeltoqsanda oryn aldy: oıyn alańynyń ortasynda atalǵan hokkeıshiler shıelenisip qaldy, tóbeles birneshe judyryq soqqysynan keıin toqtatyldy. Match aldynda kanadalyq forvard maýsymnyń birinshi kezdesýinde (22 qarasha, Mırastı jáne onyń komandasy bul oıynda jeńilis tapqan bolatyn) jeńilip qalǵany úshin esesin qaıtarǵysy keletinin aıtqan.
Resmı emes málimetterge qaraǵanda, Djonnyń jaq súıegi syndy (jáne birneshe tisi), basy men denesi jaraqattandy, qazirgi ýaqytta ol emdelý kýrsynan ótip jatyr. Ol muz aıdynyna Jańa jyldan keıin ǵana shyǵýy múmkin.
