Vıtýs Berıngtiń salmaǵy 500 kelilik zeńbiregin urlaǵan kúdikti ustady
ASTANA. QazAqparat - Kamchatka polıtsııasy XVIII ǵasyrda Vıtýs Berıng júzgen «Áýlıe Petr» korablinde ornatylǵan zeńbirekti urlaǵan kúdiktini qolǵa túsirdi.
Bul týraly 26 naýryzda Reseıdiń ІІM Kamchatka ólkesi boıynsha basqarmasynyń saıtynda habarlanǵan.
500 kelilik shoıyn zeńbirek aǵymdaǵy jylǵy naýryzda Kamchatkadaǵy Petropavlovsk qalasynda tústi metall qabyldaıtyn pýnktterdiń birinen tabylǵan. Polıtsııadan habarlaǵandaı, kúdikti ony metall synyǵy retinde ótkizý úshin urlaǵanyn moıyndady. Qazir zeńbirek Kamchatka ólkelik murajaıyna jetkizildi.
Berıng aralyndaǵy (Komandor araly) Nıkolskıı aýylyndaǵy murajaıda saqtalǵan qarýdyń joǵalǵandyǵy týraly 2012 jylǵy kóktemde qar ketken kezde belgili boldy. Tergeý nusqasy boıynsha sol jyly aqpanda er adam zeńbirekti shanaǵa salyp, óz garajyna aparyp qoıǵan. Keıinnen ol zeńbirekti aǵash jáshikke salyp, metall tasymaldaýshy kemege tıep jibergen.
