Vıttorıo Brýmottı elordadaǵy bıik nysandarda adam sengisiz trıýkter jasady
ALMATY. QazAqparat - Belgili velotrıýkshi Vıttorı Brýmottı Astananyń bıik nysandarynda adam sengisiz trıýk jasap, elordalyqtardy tań qaldyryp júr, dep habarlaıdy QazAqparat tilshisi.
Ekstremal sportshy bul vıdeony óziniń Instagrammdaǵy akkaýntynda jarııalaǵan. Vıdeoda veloshabandoz kópir ústindegi temir konstrýktsııalardyń birinen birine sekirip júr.
Buǵan deıin kaskader Han shatyrdyń shatyrymen kóldeneń sekirip túsken bolatyn.
Óziniń aıtýynsha, sportshy meılinshe qaýipti oryndardy jaqsy kórse de, táýekelderdi de eskerip otyrady.
Belgili sportshy Astanaǵa «Týr EKSPO-2017» velojarysyna qatysýǵa kelgen edi. Buǵan deıin kaskader Han shatyrǵa órmelep, Pıramıda mańynda, Báıterek janynda, Nurjol býlvarynda, MEGA Silk Way men EXPO-2017 aımaǵynda velosıpedimen jorǵalap kórdi.
Aıta ketý kerek, «Týr EKSPO-2017» velojarysy 12 tamyzda ótti. Dúbirli dodaǵa 15 elden 20 komanda qatysty.
