Vıttorıo Brýmottı «Astana Pro Team» formasynda Grand-Kanonda sumdyq trıýk jasady
ASTANA. QazAqparat - Tanymal veloekstremalshy Vıttorıo Brýmottı ekstremaldy janrda túsirilgen kezekti rolıkti jarııalady. Osy joly ol Crand Canyon-da óziniń ónerimen tánti etti, dep habarlaıdy QazAqparat.
Vıdeoda veloshabandoz eki dóńgelekti kóligimen joǵary bıiktikte tastan tasqa sekirgenin baıqaýǵa bolady.
Esterińizge sala keteıik, 2016 jyly belgili veloekstremalshy Vıttorıo Brýmottı «Astana Pro Team» velokomandasynyń múshesi atanǵan bolatyn.
36 jastaǵy ıtalııalyq Brýmottı Gınness kitabynda birneshe márte rekord ornatqan bolatyn. Osy oraıda ol bıik kópirlerde, baspaldaqtarda ómirge qaýipti trıýkter jasaǵan edi. Byltyr Astanada veloshabandoz qar ústinde trıýk kórsetken.
Grand-Kanon AQSh-ta ornalasqan jáne álemdegi eń tereń ári qaýipti kanıonnyń biri bolyp tabylady. Onyń tereńdigi 1,8 shaqyrymǵa jetedi.
Aıta keteıik, 12 tamyzda Astanada «Týr EKSPO-2017» velojarysy ótedi. Oǵan 15 elden 20 komanda qatysaly dep kútilýde.
Osy sporttyq shara aıasynda Vıttorıo Brýmottı de óz ónerin pash etpek. Ol Astanaǵa 10-11 tamyzda keledi dep josparlanyp otyr.
