Ahmet Jubanovtyń 120 jyldyǵy: Almatyda «Ǵasyrlar pernesi» atty kontsert ótti
ASTANA. KAZINFORM — Qurmanǵazy atyndaǵy Qazaq ulttyq halyq aspaptar orkestri Ahmet Jubanovtyń 120 jyldyǵyna arnap «Ǵasyrlar pernesi» atty kontsert uıymdastyrdy, dep habarlaıdy Mádenıet jáne aqparat mınıstrliginiń baspasóz qyzmeti.
Keshte qazaq ulttyq kásibı mýzykanyń negizin qalaýshy, kompozıtor, dırıjer, kórnekti ǵalym Ahmet Jubanovtyń qundy mýzykalyq murasynan túrli shyǵarmalar oryndaldy.
Keshte Qazaqstannyń eńbek sińirgen qaıratkeri, ánshi Tolqyn Zabırova, Abaı atyndaǵy opera jáne balet teatrynyń solısi Aıdos Jabaǵın, opera ánshisi Nematýllo Zkrýllaev, kúıshi Azamat Shynarov, qobyzshy Ásel Raqymjan jáne A. Jubanov atyndaǵy daryndy balalarǵa mektep ınternatynyń balalar hory qatysty.
Orkestrge «Qurmet» ordeniniń ıegeri Abylaı Tilepbergen, Nurken Áshirov pen Erlan Dáýrenbekov dırıjerlik etti.
Kontsert barysynda QR Ulttyq ortalyq mýzeıine qarasty Ahmet jáne Ǵazıza Jubanovtardyń memorıaldyq mýzeıinde «Ult rýhyn asqaqtatqan tulǵa» atty kórme uıymdastyryldy.
Ekspozıtsııada Ahmet Jubanovtyń ómir joly men qyzmetine qatysty arhıv qujattary, sırek fotosýretter, qoljazbalar, notalyq eńbekter, kitaptar, jeke zattary usynylǵan.
Osydan buryn Ahmet Jubanov atyndaǵy mýzyka mektebi 60 jylda myńnan astam óner ıesin túletkenin jazǵan edik.