Vıtse-premer negizgi seriktes eldermen ekonomıkalyq baılanystardy damytý máselesin qarady
ASTANA. KAZINFORM – Premer-mınıstrdiń birinshi orynbasary Nurlybek Nálibaev Túrkııa, Qytaı Halyq Respýblıkasy, Ázerbaıjan, Koreıa Respýblıkasy, Japonııa, Tájikstan, Frantsııa, Germanııa, Ulybrıtanııa jáne Túrikmenstanmen saýda-ekonomıkalyq jáne ınvestıtsııalyq yntymaqtastyq máseleleri boıynsha keńes ótkizdi.
Otyrys barysynda vıtse-premer atalǵan eldermen ózara tıimdi yntymaqtastyqty nyǵaıtý máselesi Memleket basshysynyń nazarynda ekenin atap ótti.
Keńeste memlekettik organdar men ulttyq kompanııalardyń basshylary atalǵan eldermen ekonomıkalyq yntymaqtastyqtyń qazirgi jaı-kúıi jáne birlesken jobalardyń iske asyrylý barysy týraly baıandama jasady. Sheteldik seriktestermen ekonomıkalyq yntymaqtastyqtyń kún tártibindegi negizgi máseleler talqylanyp, syrtqy ekonomıkalyq baılanystardy odan ári damytýdyń perspektıvaly baǵyttary aıqyndaldy.
Nurlybek Nálibaev sheteldik seriktestermen saýda-ekonomıkalyq jáne ınvestıtsııalyq yntymaqtastyqty nyǵaıtý eldiń ónerkásiptik ári tehnologııalyq damýynyń mańyzdy faktory ekenin atap ótti. Sonymen qatar yntymaqtastyqtyń basym baǵyttaryn belgiledi.
Keńes qorytyndysy boıynsha memlekettik organdar men uıymdarǵa qol jetkizilgen ýaǵdalastyqtardy iske asyrý jónindegi jumysty kúsheıtý, jańa bastamalardy aıqyndaý baǵytyndaǵy jumysty jalǵastyrý tapsyryldy.
Aıta ketelik Nurlybek Nálibaev Kazakhstan Paramount Engineering zaýytynyń jumysymen tanysqan edi.
