Vıtse-premer: Qazaqstan kómir energetıkasynan bir sátte bas tarta salmaıdy

ASTANA. KAZINFORM — Premer-mınıstrdiń orynbasary — Ulttyq ekonomıka mınıstri Nurlan Baıbazarov Ortalyq Azııa óńirlik ekonomıkalyq yntymaqtastyǵynyń mınıstrler konferentsııasynda jahandyq ekologııa standarttary eldiń energetıka júıesine qalaı áser etip jatqanyn aıtty.

«Shyn máninde bizdi qazir usynylyp júrgen joǵary standarttarǵa saı bolý úshin mańyzdy jumys kútip tur. Ekologııa mınıstrligi jumys júrgizip jatyr da. Qazir dekarbonızatsııa, óndiris shyǵaryndylarynyń kvotasyn satý baǵytyndaǵy jeke tásilder daıyndalyp jatyr. Meniń oıymsha, biz qolǵa alyp jatqan jańa óndirister barlyq tehnologııalyq parametrlerge sáıkes keledi. Biz qazir zamanaýı tehnologııalardy búkil jerde qoldanýǵa tyrysyp otyrmyz. Tipti qorshaǵan ortaǵa zııandy bolyp turǵan kómir stantsııalaryna da. Batys elderi qazirdiń ózinde kómir energetıkasynan bas tartyp jatyr. Halyqaralyq ınstıtýttar mundaı jobalardy qarjylandyrýdy toqtatty», — dedi ol BAQ ókiliniń suraǵyn bergen jaýabynda.

Vıtse-premer Qazaqstan jasyl energetıkanyń jıyntyq qýaty 10 myń megavatqa deıin jetkizýdi josparlap otyrǵanyn eske saldy. 

«Biz Ekibastuzdaǵy kómir stantsııalaryn jańǵyrtýdy qolǵa aldyq. Onda shyǵaryndylardy basqarýǵa múmkindik beretin tehnologııalar bar. Biz dál qazir búkil kómir salasyna birden «krest qoımaımyz». Biraq shyǵaryndylardy tehnologııa arqyly azaıta beremiz. Qazaqstan aldaǵy jyldarda «jasyl» kózderden 10 myń MVt qýat óndirýdi josparlap otyr. Bul jel, kún, sý elektr stantsııalary degen sóz», — dedi Nurlan Baıbazarov.

Buǵan deıin Baıbazarov sanktsııaǵa túsken qazaqstandyq kompanııalarǵa qatysty pikir bildirgen edi.