Vıtse-mınıstr Stepnogorsk JEO-syndaǵy adam ólimi týraly pikir bildirdi

ASTANA. KAZINFORM – Energetıka mınıstrliniń orynbasary Sanjar Járkeshov Úkimet otyrysynan keıin ótken baspasóz máslıhatynda Stepnogorsk jylý elektr ortalyǵyndaǵy adam ólimi týraly pikir bildirdi.

- 26 tamyz kúni Stepnogorsk jylý elektr ortalyǵynda demontaj jumystary kezinde qaıǵyly oqıǵa bolyp, saldarynan bir adam ólip, 3 adam túrli jaraqatpen aýrýhana tústi. Tekserýdiń qorytyndysy qandaı? Jaraqat alǵandardyń jaǵdaıy qandaı? Jylý elektr ortalyqtarynyń qaýipsizdik erejelerin kúsheıtý josparda bar ma, - dep surady jýrnalıst.

Vıtse-mınıstr kez kelgen salada adam faktory bolatynyn eske saldy.

- Energetıka mınıstrligi adam ómiri men densaýlyǵyn birinshi orynǵa qoıady. Qaýipsizdik tehnıkasy únemi saqtalý kerek. Biraq keıde adam faktory bar ekenin kórip otyrmyz. Adamdar jumysynda qaýipsizdik tehnıkasyn buzyp jatady. Túsindirý jumystaryn júrgizip otyramyz. Sharýashylyq nysandarymen de qaýipsizdik tehnıkasynyń jańa tásilderin engizý baǵytynda úlken jumys júrgizip jatyrmyz. Qoldanystaǵy erejeni únemi saqtaýymyz kerek. Onyń buzylyp jatatynyn kórip otyrmyz. Bul – ómir. Sondyqtan tekserý ádil bolý úshin ashyqtyqtyq qamtamasyz etemiz. Onyń qorytyndysyn jaqynda aıtamyz, - dedi vıtse-mınıstr.

Aıta ketý kerek, Úkimet Stepnogorskiniń jylý jelilerin rekonstrýktsııalaýǵa óz rezervinen 2,7 mlrd teńge bólgen bolatyn.