Vıtse-mınıstr: Reseı – bizdegi ınflıatsııanyń negizgi kózderiniń biri

ASTANA. KAZINFORM – Qarjy mınıstriniń orynbasary Erjan Birjanov Qazaqstan ekonomıkasynyń kórshi elderge táýeldiligi týraly pikir bildirdi.

- Bizde daǵdarys qubylystaryna arnalǵan Ulttyq qor deıtin «qaýipsizdik qapshyǵy» bar. Basqa da kózder bar. Sonshalyq bir úlken daǵdarys bolady dep oılamaımyn.

Qazir teńgeniń qansha paıyzǵa álsireıtinin aıtýǵa áli erte. Iá, bizdegi ınflıatsııanyń negizgi kózderiniń biri – soltústiktegi kórshimiz Reseı Federatsııasy. Biraq basqa eldermen de jumys istep jatyrmyz. Eksporttyń kóbi Eýropa men Batys elderine, Qytaıǵa baǵyttalatynyn bilesizder. Bul eldermen ózara dollarmen esep aıyrysamyz, - dedi ol Májilis kýlýarynda.

Sondaı-aq, búgin Májilis Salyq kodeksin qabyldady.