Vıtse-mınıstr Kaspııdegi kúmándi daqtar týraly: Sheteldik kemelerdi teksere almaımyz
ASTANA. KAZINFORM – Ekologııa jáne tabıǵı resýrstar vıtse-mınıstri Jomart Álıev Kaspıı betindegi kúmándi daqtar týraly pikir bildirdi.
Kaspıı teńiziniń Qazaqstanǵa tıesili bóliginde eki daq baıqaldy. Qatelespesem, Aqtaý qalasynan 14 shaqyrym qashyqtyqta bolǵan. Mańǵystaý oblysy boıynsha Ekologııa departamentiniń málimeti boıynsha, synamalar alynyp, teńiz sýynyń lastaný deńgeıine taldaý jasaý úshin ólsheý júrgizilgen. Qazirgi tańda teńiz sýynda normadan asý kórsetkishteri tirkelgen joq. Alaıda barshańyz túsinesizder dep oılaımyn, Aqtaý qalasyna jaqyn jerde teńiz porty bar. Sol portqa reıdpen keletin kemelerden ruqsatsyz shyǵaryndy tastalýy múmkin», - dedi ol Úkimet otyrysynan keıin BAQ ókiliniń saýalyna bergen jaýabynda.
Jomart Álıev sheteldik kemelerdi tekserýge vedomstvonyń quzyreti joq ekenin atap ótti.
«Bizdiń Mańǵystaý jáne Atyraý oblystary boıynsha Ekologııa departamentterine sheteldik kemelerdi tekserý quqyǵy berilmegen. Bul máseleniń quqyqtyq sıpaty basym. Qazir ol máseleni shekara qyzmetimen, tekserýler júrgizýge quzyretti memlekettik organdarmen pysyqtap jatyrmyz. Taǵy qaıtalap aıtamyn, Aqtaýǵa jaqyn jerdegi teńiz sýynda normadan aýytqý joq», - dedi vıtse-mınıstr
