Vıtse-mınıstr 16 mln azamattyń deregi týraly: Eshkim esep jazbalaryn buzyp kirmegen

ASTANA. KAZINFORM — Jasandy ıntellekt jáne tsıfrlyq damý vıtse-mınıstri Dosjan Musalıev 16 mln qazaqstandyqtyń derbes deregi qalaı qoldy bolǵanyn aıtty. 

— Teksergen kezde bul qalaı bolýy múmkin ekenin kórsetetin jekelegen sıpattar anyqtaldy. Onyń ishinde derekter zańdy esep jazbalarynan shyǵyp ketti degen nusqa da bar. Eshkim esep jazbalaryn buzbaǵanyn aıtqym keledi, — dedi vıtse-mınıstr.

Onyń sózinshe, derbes derekterge qol jetkizý múmkindigi bar adamdar urlyq jasaǵan bolýy múmkin.

— Derbes derekke resmı túrde qol jetkize alatyn adam logın, qupııa sóz sııaqty derekterdi úshinshi tulǵalarǵa bergen bolýy múmkin. Nemese sonda adam ózi urlap, derbes derektiń bárin júktep shyǵarǵan. Osyndaı da nusqa bar. Tıisti organdarǵa ol materıaldar berildi. Tergeý qupııasy degen bolǵandyqtan, ár qaraı ne bolǵanyn bizge aıtqan joq. Tergeý áli júrip jatyr, — dedi Dosjan Musalıev

Buǵan deıin UQK 16 mln adamnyń jeke dereginiń taralýy boıynsha tergeý júrgizip jatqanyn jazǵan edik.