«Vıtebsk-2011» Halyqaralyq estradalyq án oryndaýshylar baıqaýynyń Bas júldesi Belarýs ókiline buıyrdy
ASTANA-MINSK. 13 shilde. QazAqparat - Vıtebskdegi «Slavıan bazary» mereıtoılyq Halyqaralyq óner festıvalinde ótken "Vıtebsk-2011" HH Halyqaralyq estradalyq án oryndaýshylar baıqaýynyń Bas júldesine Belarýs ókili Alena Lanskaıa ıe boldy.
BELTA agenttiginiń habarlaýynsha, búgin Vıtebsk oblystyq fılarmonııasyndaǵy marapattaý saltanatynda baıqaý jeńimpazy Alena Lanskaıaǵa 15 myń AQSh dollary kólemindegi Bas júlde, «Lıra» arnaıy júldesi, sondaı-aq "Vıtebsk-2011" HH Halyqaralyq baıqaýy Bas júldesiniń dıplomy tabys etildi.
