Vıtalıı Jýkovskıı qaıtadan «Atyraý» komandasynyń bas jattyqtyrýshysy boldy

ATYRAÝ. KAZINFORM – «Atyraý» fýtbol klýbynyń bas jattyqtyrýshysy bolyp Vıtalıı Jýkovskıı taǵaıyndaldy.

Fýtbol klýbynyń baspasóz qyzmetinen málim etkendeı, belarýstik mamannyń jasy – 41-de. 

– Vıtalıı Jýkovskıı «munaıshylardyń» bas bapkeri qyzmetine taǵaıyndaldy. Ol 2022-2024 jyldary aralyǵynda «Atyraý» bas jattyqtyrýshysy bolyp, komandamyzdy Qazaqstan Kýboginiń fınalyna shyǵardy. El chempıonaty aıasynda sońǵy jyldardaǵy úzdik nátıjeni (7-oryn) kórsetken edi, -dep habarlady klýbtyń baspasóz qyzmeti.

«Atyraý» fýtbol klýbynyń bas menedjeri Dıdar Sydyqbektiń deregine súıensek, bas jattyqtyrýshymen kelisimshart 1,5 jylǵa jasalǵan. 

Eske sala ketelik, budan buryn «Atyraý» fýtbol klýby reseılik qaqpashymen kelisimshartty toqtatty. 

Al, «Jeńispen» kezdesýden soń Denıs Mamonov «Atyraý» fýtbol klýbynyń bas jattyqtyrýshysy qyzmetinen ketti. 

Sondaı-aq, keshe «Atyraý» fýtbol klýbynan bir mezgilde 8 oıynshy ketetinin habarlaǵan bolatynbyz.