Vıtalıı Jýkovskıı «Atyraý» fýtbol klýbyna qansha oıynshyny shaqyrdy
ATYRAÝ. KAZINFORM – «Atyraý» fýtbol klýbynyń bas jattyqtyrýshysy Vıtalıı Jýkovskıı birneshe oıynshyny erte keldi. Jańa oıynshylardyń arasynda legıonerler de, qazaqstandyqtar da bar.
Bas jattyqtyrýshy Vıtalıı Jýkovskıı «Turan» komandasynan 1 qaqpashy, 3 oıynshyny «Atyraýǵa» aýystyrdy. Onyń 3-eýi – belorýstik, 1-eýi – chernogorııalyq fýtbolshy.
Legıonerdiń biri – belorýstik qaqpashy Egor Hatkevıch. Biraq, ol «Atyraý» úshin jańa oıynshy emes. Óıtkeni, 2023-24 jyldary atalǵan klýbtyń qaqpasyn qorǵap, Premer-lıgada úzdik qaqpashynyń biri bolǵan.
– Egor Hatkevıch «Atyraý» sapynda 30-dan astam match ótkizdi. Ol 21 matchta óz qaqpasyna dop jibermedi, -dep habarlady klýbtyń baspasóz qyzmeti.
Klýb basshylyǵy shabýylshy Vasılıı Sovpel men qorǵaýshy Rýslan ıÝdenkovke úmit artyp otyr. Ekeýi de – belorýstik fýtboldyń túlegi.
Vıtalıı Jýkovskııdiń ózimen birge erte kelgen oıynshynyń qatarynda chernogorııalyq jartylaı qorǵaýshy Goran Mıloıko da bar. «Atyraý» fýtbol klýbymen kelisimshartqa otyrǵan deıin «Turan» sapynda dop tepken.
Sondaı-aq, reseılik 19 jastaǵy shabýylshy Konstantın Dorofeev te «Atyraýdyń» oıynshysy atandy. Onyń enshisinde Reseı U21 jastar quramynda 2 oıynda soqqan 1 gol bar.
«Atyraý» fýtbol klýbynyń quramyna 3 qazaqstandyq jas oıynshy shaqyryldy. Onyń 2-eýi qorǵanys shebinde oınaıdy. Bireýi – qaqpashy.
Máselen, Vadım ıAkovlev – jartylaı qorǵaýshy, mansabyn pavlodarlyq «Aqsý» klýbynda bastaǵanymen, keıin moldovalyq «Dınamo-Avto», «Belts» klýbtarynda oınaǵan. Sonymen birge, «Aqsý» FK sapynda Qazaqstan Birinshi lıgasynyń jeńimpazy atanǵan.
Al, «Astana» fýtbol klýbynyń túlegi Baýyrjan Ahaev – qaptaldaǵy qorǵaýshy. Elordalyq klýbtyń jastar quramynda, «Altaı» fýtbol klýbynda tájirıbesin jetildirgen.
Elordalyq jas fýtbolshy Álisher Súleımen «Atyraý» fýtbol klýbynyń qaqpasyn qorǵaýǵa bekinip otyr. «Jeńis» fýtbol klýbynyń túlegi Qazaqstan U19 jasóspirimder quramasynyń qaqpasyn qorǵaǵan.
– Álisher Súleımen Qazaqstan Birinshi lıgasynda 50 oıyn ótkizdi. Onyń ishinde 15 oıynda óz qaqpasyna gol jibergen joq, - dep málim etti klýbtyń baspasóz qyzmetinen.
Eske sala ketelik, budan buryn Vıtalıı Jýkovskıı qaıtadan «Atyraý» komandasynyń bas jattyqtyrýshysy bolǵanyn jazǵan bolatynbyz.
Keıin Vıtalıı Jýkovskıımen birge «Atyraý» fýtbol klýbyna kimder keri oralǵanyn habarlaǵan edik.