Vıtalıı Klıchkonyń qarsylasy daýys berý arqyly anyqtalady
ASTANA. 12 qyrkúıek. QazAqparat - Búkilálemdik boks keńesi (WBC) ýkraındyq boksshy Vıtalıı Klıchkonyń qarsylasyn bekitý úshin daýys berý ótkizbekshi. Bul onyń kásiptik karerasyndaǵy sońǵy tóbeles bolýy múmkin, dep habarlady World Boxing News.
«Barlyq mindetti qorǵaýlar Taılandta qarasha aıynyń úshi men toǵyzy arasynda ótetin 561 sezde talqylanatyn bolady. Biz daýysqa salamyz», - dep málimdedi WBC perzıdenti Hose Sýleımanı. Ol sonymen birge Klıchko chempıondyq ataqqa mindetti úmitker kanadalyq Bermeın Stıvernmen kezdesýi qajet ekendigin eskertti, dep habarlady Vesti.kz. Biraq bul kezdesý Klıchkonyń jaraqatyna baılanysty kelesi jylǵa qaldyryldy. Sýleımanıdiń sózi boıynsha, kanadalyq boksshy WBC nusqasy boıynsha chempıondyq belbeý úshin kúresýge laıyq.
Klıchko bolsa, buǵan deıin inisi Vladımırmen sharshy alańda kezdesken brıtandyq Devıd Heıdtiń óziniń qarsylasy bolýy múmkin ekendigin joqqa shyǵarmady.
Osyǵan deıin aǵaıyndy Klıchkolardyń K2 Promotions promoýterlik kompanııasynyń dırektory Tom Leffler osy tóbeles 42 jastaǵy Vıtalııdiń karerasyndaǵy sońǵy kezdesý bolatyndyǵyn aıtty.
Sońǵy ret Klıchko alańǵa 2012 jylǵy qyrkúıek aıynda Máskeý qalasynda shyqqan. Onda ýkraındyq boksshy nemis Manýelıa Charrany nokaýtqa jibergen bolatyn. Klıchko barlyǵy 47 urys ótkizip, onyń 45-inde (41 - nokaýt) jeńiske jetti.
32 jastaǵy Heı 26 ret (24 - nokaýt) jeńiske jetti, kelesi kezdesýdi 25 jasar otandasy Taıson Fıýrımen (21 jeńisi bar, 15 - nokaýt) 28 qyrkúıek kúni Brıtanııanyń Manchester qalasynda ótkizedi.
