Vıtalıı Klıchko Ýkraına prezıdenttigine saılaýǵa túspekshi
ASTANA. 22 tamyz. QazAqparat - Áıgili boksshy, "ÝDAR" partııasynyń kóshbasshysy Vıtalıı Klıchko 2015 jylǵy prezıdenttik saılaýǵa qatysqaly jatyr degen qaýesetti rastady.
Bul týraly Lvovta ashylǵan Búkilálemdik kongreste sportshynyń sóılegen sózine silteme jasap ýtro. rý habarlaıdy.
«Túpkilikti sheshim qabyldamas buryn men áýeli qoǵammen aqyldasyp alýym kerek», - dedi Klıchko.
«2015 jyldan keıin Ýraınanyń jańa tarıhy bastalýy tıis. Onyń júgi aýyr ekenin bilemin, jaýapkershiligin de túsinemin. Sondyqtan prezıdenttike saılaný múmkindigin qarastyryp jatyrmyn», - dep atap ótti partııa kóshbasshysy. Onyń sózinshe, memleket basshylyǵyna saılaýǵa túsýge oppozıtsııadan bireý barýy kerek. «Biraq kim baratynyn, ony qoǵamdyq uıymdar sheshedi», - dedi sportshynyń sózine silteme jasap ITAR - TASS.
Vıtalıı Klıchko - Búkilálemdik boks qaýymdastyǵynyń (WBC) nusqasy boıynsha aýyr salmaqtaǵy álem chempıony.
