Vıtalıı Klıchko nemis boksshysy Manýel Charrdy nokaýtqa jiberdi
ASTANA. 9 qyrkúıek. QazAqparat - Keshe Máskeýdegi «Olımpııskıı» sport kesheninde WBC tujyrymy boıynsha asa aýyr salmaqtaǵy álem chempıony Vıtalıı Klıchko men sırııalyq Germanııa boksshysy Manýel Charr qolǵap túıistirdi.
Bul kezdesý kúrzi jubyryqty eki alyptyń jan bepip, jan alysqan aıqasyna aınaldy.
Jekpe-jektiń naǵyz qyzǵan kezinde, ıaǵnı 4 raýndta Manýel Charrdyń qabaǵy jarylyp qaldy. Sóıtip WBC tujyrymy boıynsha asa aýyr salmaqtaǵy álem chempıony Vıtalıı Klıchko óziniń tıtýlyn saqtap qaldy.
Vıtalıı Klıchko 41-de, al Manýel Charr nebári 27-de. Klıchkonyń úlkeni, ıaǵnı Vıtalıı kásipqoı boks rınginde 46 jekpe-jek ótkizip, sonyń 44-inde jeńiske jetip, tek ekeýinde utylǵan. 44 jeńisiniń 40-yn nokaýtpen aıaqtap, tek jaraqatyna baılanysty eki ret jeńilistiń kermek dámin tatýǵa májbúr bolǵan. Al Beırýtta (Lıvan) týǵan sırııalyq Germanııa boksshysy kásipqoı boks rınginde 21 kezdesý ótkizip, bárinde de jeńiske jetken. Tipti 11 jekpe-jegin nokaýtpen aıaqtaǵan.
