Vıtalıı Klıchko menimen jekpe-jekke shyǵýdan jaltaryp bokstan ketti - Taıson
ASTANA. 26 jeltoqsan. QazAqparat - Aýyr salmaqtaǵy brıtanııalyq boksshy Taıson Fıýrı Vladımır Klıchkony sharshy alańda kim myqtyny anyqtaýǵa shaqyrdy. Ol Vladımırge úlken aǵasy Vıtalıı sııaqty jekpe-jekten jaltaryp, qashyp ketpegeni abzal dep eskertý jasap otyr, dep habarlady prosport.ru.
Taısonnyń sózine qaraǵanda, Klıchko oǵan sharshy alańda kezdesýdi usynbaǵan eken.
"Men kezdesýge kelisip, onyń jaǵyn aıyratyn edim, ol muny biledi. Emanýel Stıýard V. Klıchkoǵa menen nokaýtpen jeńiletinin aıtqan bolatyn. Vıtalıı Klıchko menimen jekpe-jekten jaltaryp bokstan ketti, al qazir Vladımır de solaı etýge tyrysýda", - degen senimde brıtandyq boksshy. Sondyqtan, ol ýkraındyq boksshymen kez-kelgen jerde, kez-kelgen ýaqytta kezdesýge daıyn ekenin aıtyp otyr.
