Vıtalıı Klıchko 2014 jyly sporttyq mansabyn aıaqtaıdy
ASTANA. 8 qyrkúıek. QazAqparat - Bokstan WBC nusqasy boıynsha asa aýyr salmaqtaǵy álem chempıony Vıtalıı Klıchko kásipqoılar arasyndaǵy sporttyq mansabyn 2014 jyly aıaqtaýy múmkin.
Bul týraly RBK habarlaıdy. Aǵaıyndy Klıchkolardyń K2 Promotions promoýterlik kompanııasynyń ókili Tom Lefflerdiń aıtýynsha, Vıtalıı Klıchko endi sporttyq ǵumyrynda bir ǵana kezdesý ótkizýi yqtımal. Chempıondyq ataqqa úmitker kanadalyq Bermeın Stıvernge qarsy jekpe-jeginde ýkraındyq osy ataqty qorǵap qalý úshin sharshy alańǵa sońǵy ret kóteriledi. Vıtalıı Klıchko buǵan deıin 2012 jyldyń qyrkúıeginde Máskeýde sharshy alańǵa shyqqan, ol kezde Manýel Charrdy tehnıkalyq nokaýtpen utqan bolatyn. Ýkraındyq boksshy barlyǵy 47 kezdesý ótkizse, onyń 45-in (41 nokaýtpen) jeńispen aıaqtady. Eki ret jeńilistiń aşy dámin tatqan - 2003 jyly Lennoks Lıýısten jáne 2000 jyly Krıs Berdten. Buǵan deıin habarlanǵandaı, «ÝDAR» partııasynyń kóshbasshysy Vıtalıı Klıchko 2015 jyly prezıdenttik saılaýǵa túsýdi kózdep otyr. Aıta keteıik, Vıtalııdiń inisi Vladımır 5 qazan kúni Máskeýde reseılik Aleksandr Povetkınge qarsy chempıondyq belbeý úshin jekpe-jek ótkizedi.
