Vıtalıı Demıanenko Máskeýde RAVA chempıony ataǵyn qorǵaıdy
ALMATY. Mamyrdyń 11-i. QazAqparat /Erlik Erjanuly/ - Mamyrdyń 23-i kúni qazaqstandyq kásipqoı boks sheberi Vıtalıı Demıanenko Máskeýde RAVA chempıony ataǵyn qorǵaý úshin avstralııalyq Semıýel Kolombanmen jekpe-jek ótkizedi,
dep habarlaıdy QazAqparat.
Maýsymnyń 27-si kúni 27-ge tolatyn Vıtalıı Demıanenko kásipqoı bokstaǵy alǵashqy jekpe-jegin 2005 jyly aqpannyń 26-synda ótkizgen bolatyn. Buǵan deıin 8 kezdesý ótkizip (altaýy nokaýtpen) onyń bárin óz paıdasyna sheshti. Qazaqstandyq boksshy sáýir aıynda WBO reıtınginde - 7, WBC reıtınginde - 9, al naýryz aıynda WBA - 10, EBU reıtınginde - 11 satyda boldy. Vıtalıı sońǵy kezdesýin aqpannyń 6-sy kúni Máskeýde argentınalyq Horhe Danıel Mırandamen ótkizdi. Qazaqstandyq bylǵary qolǵap sheberi onda Búkilálemdik boks keńesiniń Azııa boks keńesi (WBC Asian Boxing Council), Búkilálemdik boks uıymynyń Tynyq-muhıt aımaǵy (WBO Asia Pacific) jáne Panazııalyq boks qaýymdastyǵy (RAVA) nusqalary boıynsha chempıondyq ataqtaryn sátti qorǵap shyqty. Al onyń aldynda bul ataqtatryn 2009 jyl mamyrdyń 16-synda Reılıde (AQSh) amerıkandyq Pol Delgadodan da (20-9-1, 4 KO) qorǵap qalǵan edi. Onyń bul jolǵy qarsylasy ksipqoı boks rınginde 4 jyldyń ishinde 19 jekpe-jek ótkizip, onyń 16-synda jeńip, úsheýinde jeńilis tapqan Semıýel Kolomban. Avstrııalyq sportshy WBO-nyń reıtınginde sáýir aıyndaǵy reıtınginde jartylaı orta salmaqta (66,678 kıláǵa deıin) 15-shi oryn aldy.
