Vıskı urlaımyn dep sottan bir-aq shyqty - Atyraý
ATYRAÝ. QazAqparat - Іshimdik urlaǵan Atyraý qalasynyń turǵyny sottala jazdady, dep habarlaıdy QazAqparat tilshisi.
«Sottalýshy A.B. 2018 jyldyń 1 naýryzynda Atyraý qalasy S.Datov kóshesinde ornalasqan «Lıder-Berezka» shaǵyn marketine kirip, quny 12 154 teńge turatyn «Jack Daniels» vıskı alkogoldik ishimdigin jymqyryp ketken.
On kún ótken soń, ıaǵnı 11 naýryzda osy ádetine basyp Vokzal mańy yqshamaýdanynda ornalasqan «Ideal Market» shaǵyn marketinen 7 977 teńgelik «Jameson» vıskı alkogoldik ishimdigin urlaǵan.
Sot otyrysynda sottalýshy A.B.-nyń jábirlenýshilermen medıatsııa tártibinde tatýlasqany anyqtaldy.
Sot qaýlysymen A.B. keltirilgen zalaldyń orny toltyrylýyna, sondaı-aq jábirlenýshilermen medıatsııa tártibimen tatýlasýyna baılanysty Qazaqstan Respýblıkasynyń QK-niń 68-babynyń 1-bóligine sáıkes qylmystyq jaýapkershilikten bosatyldy», dep habarlaıdy Atyraý qalasynyń №2 sotynyń baspasóz qyzmeti.
