Vırýsty saıasılandyrýdy toqtatý kerek – DDSU
NUR-SULTAN. QazAqparat - Dúnıejúzilik densaýlyq saqtaý uıymynyń basshysy Tedros Adhanom Gebreıesýs DDSU jumysyn qorǵap, Covid-19-dy saıasılandyrýdy toqtatý kerek ekenin aıtty, dep jazady VVS.
Basylymnyń habarlaýynsha, ásirese, AQSh prezıdenti Donald Tramp tarapynan agenttikke qarsy pikir jıi aıtylyp júr. Sonymen qatar Tramp BUU úshin amerıkalyq qarjylandyrýdy toqtatatynyn málimdegen bolatyn.
Tedros Adhanom óz sózinde vırýsty saıasılandyrýdy doǵaryp, álem elderin yntymaqtastyq tanytýǵa shaqyrdy.
«Buǵan deıin Tramp DDSU áreketteri Qytaıdy qoldaýǵa baǵyttalǵanyn aıtyp min taqty. Al DDSU basshysy uıymnyń barlyq ulttarǵa jaqyn ekenin aıtty», - dep jazady basylym.
Avtordyń aıtýynsha, sársenbi kúni AQSh memlekettik hatshysy Maık Pompeo DDSU-na qarjylandyrý kózin ákimshilik qaıta qarastyryp jatqanyn, uıym óz mindetterin durys oryndaýy kerek ekenin aıtqan.
«Covid-19 alǵash ret Ýhan qalasynda paıda boldy. DDSU basshysy uıymnyń Qytaımen vırýs tabıǵatyn túsiný úshin ǵana tyǵyz baılanysta bolǵanyn aıtty. Tedros óz sózinde memleketter arasynda birlik bolýy kerektigin aıtyp, Covid-ti saıası kózqarasta paıdalanbaýǵa shaqyrdy», - dep jazady basylym.
