«Vırýsty gepatıttiń dıagnostıkasy jáne emi. Germanııa tájirıbesi» atty jumys keńesi ótkizildi
ASTANA. Mamyrdyń 21-i. QazAqparat - QR Densaýlyq saqtaý mınıstrligi «Vırýsty gepatıttiń dıagnostıkasy jáne emi. Germanııa tájirıbesi» atty jumys keńesin ótkizdi,
dep habarlaıdy QazAqparat.
Atalmysh vedomstvo baspasóz qyzmetiniń málimetinshe, bul keńes epıdemıologııalyq jaǵdaıdy jaqsartý, onkologııalyq qan jáne vırýsty gepatıt aýrýymen syrqat adamdarǵa medıtsınalyq kómekti uıymdastyrýdy jetildirý, sondaı-aq qan qyzmetin resýrstyq qamtamasyz etý boıynsha 2010 jylǵa bekitilgen keshendi is-sharalar jospary sheńberinde ótkizildi. Oǵan mınıstrliktiń qurylymdyq bólimsheleriniń basshylary, Astana qalasy ǵylymynyń ókilderi, shveıtsarııalyq Hoffman Lıa Rosh farmatsevtıkalyq kompanııasynyń ókilderi qatysty.
«Jumys keńesinde Krıstof Sarrazın - Gete ýnıversıteti gospıtaliniń Gastroenterologııa jáne gepatologııa departamentiniń medıtsına professory; gepatologııa jáne transplantologııa bólimsheleriniń jetekshisi, Germanııadaǵy «S» gepatıtin emdeý jónindegi usynystaryn ázirleý komıtetiniń basshysy, baýyrdy zerdeleý boıynsha Eýropa Qaýymdastyǵynyń múshesi, baýyr aýrýlaryn zerdeleý boıynsha Amerıka Qaýymdastyǵynyń múshesi, baýyrdy zerdeleý boıynsha Eýropa Qaýymdastyǵynda «S» gepatıtin emdeý jónindegi usynystar ázirleý boıynsha konsýltatsııalyq Keńes múshesi, «Gepatologııa» jýrnalynyń redaktsııalyq keńesiniń múshesi baıandama jasady. Krıstof Sarrazın epıdemıologııa máselelerin jáne vırýsty gepatıttiń dıagnostıkasy men emin uıymdastyrý tarıhyn sıpattady, bul patologııanyń dıagnostıkasy men eminiń qazirgi usynystaryn kórsetti. Ótkizilgen keńes sheńberinde QR Densaýlyq saqtaý mınıstrligi, baýyrdy zerdeleý boıynsha Eýropa Qaýymdastyǵy jáne Rosh kompanııasy arasynda yntymaqtastyq týraly kelisimge qol qoılatyn bolady», delingen baspasóz qyzmetiniń búgingi taratqan habarlamasynda.
