Vırýs juqtyrmaǵan aqtóbeliktiń aty-jóni «qyzyl» mártebe tizimine enip ketken

AQTÓBE. QazAqparat – Aqtóbelik aty-jónin «qyzyl» mártebesi bar adamdar tiziminen kórip shaǵymdandy. Ol múlde koronavırýs ınfektsııasyn juqtyrmaǵan, dep habarlaıdy QazAqparat tilshisi.

Aqtóbe oblysy boıynsha mundaı jaǵdaı alǵash ret tirkelip otyr. 37 jastaǵy qala turǵyny Ashyq qosymshasyndaǵy mártebesi «qyzyl» ekenin bilip, shaǵym aıtty. Bul aqparatty oblystyq sanıtarııalyq-epıdemıologııalyq baqylaý departamenti tekserdi.

«№4 Aqtóbe qalalyq emhanasynda mundaı jaǵdaı tirkeldi. Analız alǵan kezde málimetter qate toltyrylǵan. Biz birden habarlasyp, qatelik túzetildi. Kóp ýaqyt qajet emes, bir kúnde barlyǵyn qalpyna keltiremiz. Shynyna kelgende adam qazir kóp, júkteme eselendi. Adamı faktor bolyp tur», - dedi oblystyq sanıtarııalyq-epıdemıologııalyq baqylaý departamenti basshysynyń orynbasary Raıhan Qoıshanova.