Vırýs joq dep, opyq jep qalmańyz - Ulytaý aýdany isker áıelder qaýymdastyǵynyń tóraıymy
QARAǴANDY. QazAqparat - Elimizde COVID-19 juqtyrǵan adamdar sany kún ótken saıyn kóbeıip keledi. Endeshe, vırýs joq dep júrip, opyq jep qalmańyz, dep eskertedi Ulytaý aýdany isker áıelder qaýymdastyǵynyń tóraıymy Elmıra Ershumanova.
Búgingi tańda dárigerler, qoǵam belsendileri oblys turǵyndaryn saqtyq sharasyn meılinshe qatań ustanyp, kópshilik jınalatyn jerlerge barmaýǵa shaqyrýda. Qazir toı men sadaqa ótkizý de asa qaýipti. Sebebi koronavırýspen qatar ókpeniń qabyný derti de dendep barady.
Elmıra Ershumanovanyń aıtýynsha, ekonomıkalyq ahýal tómendep, jaǵdaı ýshyǵyp barady. Jahandy jaýlaǵan indet kún sanap kúrdelenip, adam ólimi kóbeıýde.
«Demek, el basyna kún týǵan sátte «bir jaǵadan bas, bir jeńnen qol shyǵarý» mindet. Respýblıkamyzda 5 shildeden bastap 14 kúnge jarııalanyp otyrǵan karantın rejimin qatań saqtap, mamandardyń keńesine, eskertpesine qulaq asyp, jaqyndarymyzǵa janashyr bolaıyq».
