Vırtýaldy zerthana mektep baǵdarlamasyna engiziledi
Vırtýaldy zerthana oqýshylardyń tanymdyq qyzyǵýshylyǵyn arttyrý, qazaqtyń ulttyq qundylyqtaryn zerthanalyq dızaın úlgisinde nasıhattaý, ınjenerlik, ónertapqyshtyq jáne ǵylymı órisin keńeıtý maqsatynda jasaldy.
«Zerthanalyq jumystardy vıtrýaldy júrgizý úshin 3D kózildirikteri qoldanylady. Kózildirik kómegi arqyly, adamnyń kóz aldynda modern úlgisinde jasalǵan jasandy zerthana elesteıdi. Zerthana - qazaqtyń kıiz úıi keıpinde bolmaq jáne onyń ishinde ornalasqan ulttyq turmystyq buıymdar ǵylymı jumystardy jasaýda qoldanylatyn qural-jabdyqtar retinde oılastyrylǵan», - dedi baǵdarlama qurastyrýshy toptyń mamany Rýslan Haıyrmuqanbetov.
Joba aıasynda búginde 11 adamnan quralǵan ónertapqyshtar toby jumys jasaýda. Jospar boıynsha qamtylýy tıis taqyryptar oqýlyqtar bazasyndaǵy baǵdarlamalar negizinde bolmaq. Qazirgi tańda fızıka páni baǵytynda 7-9 synyp, al hımııa sabaǵynan 6-9 synyp oqýshylaryna arnalǵan vıtrýaldy zerthana jobasy ázirlendi.
«Baǵdarlamany qurastyrý osydan 3 jyl buryn bastaldy. Jobany Aqtóbe qalasy M.Dýlatov atyndaǵy №63 mektep-lıtseıimen birlesip, pedagogtardyń təjirıbeleri men oı-pikirlerin eskere otyryp əzirledik. Osy jylǵy jańa oqý maýsymynda Aqtóbedegi №63 mektep-lıtseıine atalmysh baǵdarlama pılottyq negizde engiziledi. Keıin oqýshylardyń oqý úlgerimine jasandy zerthananyń qanshalyqty áser etkenin baıqaımyz. Oń nátıje baıqalsa, onda barlyq Qazaqstannyń qazaq tildi mektepterine engizý josparda bar», - deıdi baǵdarlamany qurastyrýshy toptyń múshesi Meıirjan Serikbaıuly.
Zerthanalyq tájirbıelik jumystardy júrgizýge arnalǵan baǵdarlama mobıldik qosymsha túrinde bolady. Ony «Play Market» jáne «App Store» júkteý júıeleri arqyly kez kelgen smartfonǵa ornatýǵa múmkindik bar. Búginde vırtýaldy zerthananyń demo-nusqasy jasaldy.
