Vırtýaldy shyndyq dáýiri kele jatyr – Mark Tsýkerberg
NUR-SULTAN. QazAqparat – Facebook-tiń negizin qalaýshy Mark Tsýkerberg Le Point jýrnalyna eksklıýzıvti suhbat berdi. Onyń aıtýynsha, jaqynda vırtýaldy shyndyq dáýiri bastalady jáne bul dáýir bárine teńdeı múmkindik beredi.
«Biz adamdardyń bárin bir-birimen jaqyndastyrý úshin eńbek etip jatyrmyz. Bizdiń maqsatymyz — adamdardyń qarym-qatynas qurý qajettiligin óteıtin tehnologııa qurý. Osy kúnge deıin biz tanymal qosymshalar (facebook, whatsApp, instagram) arqyly qarym qatynas quryp kelemiz jáne olar adamdardy jaqyndastyrady. Endi jańa deńgeıge kóteriletin ýaqyt jetti», deıdi Mark Tsýkerberg.
Onyń aıtýynsha, ınternet derbes kompıýterden mobıldi telefondarǵa ótken. Endi jaqynda vırtýaldy shyndyq dáýiri ornaıdy.
«Vırtýaldy shyndyq tehnologııalarynyń ereksheligi – olar belgili bir orynda adamdarmen baılanys ornatýǵa múmkindik beredi. Siz smartfonǵa kirip ketken soń dál qasyńyzda otyrǵan adamnyń bar-joǵyn sezbeısiz. Al vırtýaldy shyndyq arqyly jaqyndaryńyzben baılanys ornatýǵa bolady», deıdi Mark Tsýkerberg. Mundaı tehnologııa manıpýlıatsııany arttyrmaı ma degen jýrnalıstiń suraǵyna ol VR kerisinshe adamnyń baǵalaý múmkindikterin ósetinin jetkizdi.
«Alystaǵy adammen baılanysý múmkindigi jaqsy, biraq ony kórý, túr álpeti men ym ısharalaryna deıin kórip, bilip otyrý tipten jaqsy. Google jaqynda kvantty salanyń keremet jańalyǵyn tanystyrdy. Ol zamanaýı sýperkompıýter on myń jylda oryndaıtyn operatsııany tórt mınýtta atqara alatyn protsessordy tanystyrdy. Mine, osyndaı jańalyqtar ashýǵa jarysý kerek. Bul óte paıdaly bolady», dedi Mark Tsýkerberg.
