«Vırtýaldy mahabbat» alǵashqy demalysta 20 mln. teńge jınady
ASTANA. 28 qarasha. QazAqparat - Ámir Qaraqulovtyń «Vırtýaldy mahabbat» atty fılmi alǵashqy demalysta 20 mln. teńge jınady, dep habarlady «Qazaqfılm» AQ-nyń baspasóz qyzmetinen.
«Vırtýaldy mahabbat» kınosy 22 qarashada prokatqa shyǵaryldy. Fılmniń jelisi boıynsha, Elıa esimdi arý ózine ǵashyq áriptesin elemeı, ǵalamtor arqyly belgisiz jas jigitpen tanysyp, soǵan ǵashyq bolyp qalady. Ol ózine ǵashyq bolǵan áriptesi men ekrannyń ar jaǵynda otyrǵan jigittiń bir adam ekeninen habarsyz bolady. Aıta keteıik, bul fılmde basty róldi «Astana-meniń mahabbatym» serıaly boıynsha kórermen qaýymǵa keńinen tanylǵan Bıbigúl Aqtan (Súıinshalına), sondaı-aq reseılik ártis Artýr Smolıanınov somdaıdy.
