Vırtýaldy ınformatıka muǵalimi: Qazaqstannyń barlyq balalary sapaly bilim ala alady
Bul týraly QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın Ortalyq kommýnıkatsııalar qyzmetinde ótken baspasóz máslıhatynda aıtyp berdi.
«Barshamyzǵa belgili, keıbir aýdan ortalyqtarynda nemese okrýgterde ınformatıka nemese baǵdarlamalaý muǵalimderi jetispeıdi jáne olardyń daıyndyq sapasy da kóńil kónshitpeıdi. Sondyqtan bul máseleni sheshý úshin «Informatıka» jáne «Baǵdarlamalaý» pánderi ınternet arqyly oqytýǵa anaǵurlym beıim bolǵandyqtan, Shyǵys Qazaqstan oblysyndaǵy 150 mektepte pılot joba iske asyrylýda. Bul tájirıbe elimizdiń barlyq óńirine taratylady jáne barlyq balalar turǵylyqty jerine qaramastan ınformatıka jáne baǵdarlamalaý boıynsha sapaly bilim ala alady», - dedi Baǵdat Mýsın.
Mınıstrdiń aıtýynsha, jalpy IT ındýstrııasy 3 negizgi elementten quralady, onyń birinshisi – adamı kapıtaldy damytý.
«Bizdiń sala úshin eń mańyzdysy – adamı kapıtal. ıAǵnı, baǵdarlamalaý tilderin biletin nemese analıtıka qabileti men matematıka daǵdysy bar adamdar kóbirek bolýy qajet. Bul salada kóptegen mamandyqtar bar. Sondyqtan bizdiń sala úshin negizgi resýrs, negizgi shıkizat – adamı kapıtal dep aıtamyz.
Ekinshi element – jobalar akseleratsııasy. ıAǵnı, akseleratsııa arqyly startaptarǵa nemese kásipkerlerge IT salasynda bıznes júrgizýge barynsha daıyn bolý úshin kómek kórsetý. Úshinshi element – qajetti qarjylandyrýdy qamtamasyz etý. Eger osy 3 blok durys jumys istese, Prezıdenttiń 2025 jyly 50 mıllıon dollar eksportqa qol jetkizý týraly tapsyrmasyna qol jetkize alamyz», - dep túsindirdi B. Mýsın.
Aıta keteıik, Memleket basshysynyń Joldaýy aıasynda «Tsıfrlandyrý, ǵalym jáne ınnovatsııalar esebinen tehnologııalyq serpilis» ulttyq jobasy ázirlenip, bekitildi. Ulttyq joba 10 baǵyttan, 226 tapsyrmadan, 44 kórsetkishten jáne 211 is-sharadan turady, olardy iske asyrý 2025 jylǵa deıin josparlanǵan.
Sonymen birge, ulttyq joba aıasynda halyqqa qyzmet kórsetý ortalyqtary da tsıfrlyq jáne vıdeoqyzmetterdi iske qosady .