Vırtýaldy balkony bar kaıýtalar usynyldy - VIDEO
ASTANA. QazAqparat - Royal Caribbean kompanııasy teńiz saıahatyna shyǵatyn kemeleriniń kaıýtalaryna «Navigator of the Seas» teledıdarlaryn ornatty. Ol on-laın rejıminde kemeniń syrtyna ornatylǵan beınekameralar túsirgen kartınalardy kórýge múmkindik beredi, dep habarlaıdy lenta.ru.
80 dıýım dıoganaldi teledıdar kaıýtanyń qabyrǵalaryna ornatylǵan. Ekrannan kemeniń baǵyty kórsetilip turady. «Vırtýaldy balkon» atalatyn teledıdardyń aldyna qoldanystaǵy balkondaǵydaı temir qorshaý bar. Sondaı-aq odan «teńiz áýenderin» de tyńdaýǵa bolady. Alaıda, ekrannan teńiz kórinisinen basqa telearnalar men kınolar kórsetilmeıdi.
Jolaýshylar teledıdardyń dybysyn ózderi qalaǵandaı etip retteı jáne qajet bolǵan jaǵdaıda perdemen jaba alady.
Mundaı jańalyǵy bar bólmelerdiń baǵasy ádettegi kaıýtanyń baǵasynan áldeqaıda qymbat turady. Vırtýaldy balkondar ótken jyldyń jeltoqsan aıynda bastalǵan jóńdeý jumystary kezinde ornatylǵan. Jóńdeýden keıin laıner alǵash ret saıahatqa 5-shi aqpan kúni attandy.
Jalpy, Royal Caribbean kemege vırtýaldy ıllıýmınator ornatqan jalǵyz kompanııa emes. 2009 jyly Disney Cruise Line kompanııasy kemelerge syrtqy veb-kameranyń kómegimen translatsııa jasaıtyn teledıdarlar ornatqan bolatyn. Onyń ereksheligi, kemeniń syrtqy kórinisinen bólek, jolaýshylar arasynda dısneılik mýltfılmderdiń personajdaryn tamashalaı alady.
