Vırtýaldy aqshaǵa arnalǵan jańa júıe qurastyryldy
NUR-SULTAN. QazAqparat - Kembrıdj ýnıversıtetiniń ǵalymdary vırtýaldy aqshaǵa arnalǵan blokcheınnen de qaýipsiz júıe qurastyrylǵanyn habarlady. Ǵalymdardyń maqalasy Proceedings of the Royal Society A. ǵylymı jýrnalynda jarııalandy.
Maqala avtorlarynyń jazýynsha, ǵalymdar kvantty fızıka prıntsıpterin qoldaný arqyly qaýipsiz júıeni qurastyrǵan.
«Blokcheın júıesi vırtýaldy valıýta urlyǵyn azaıtady. Sebebi birneshe kompıýterde tranzaktsııalar týraly aqparat kóshirmesi saqtalyp turady. ıAǵnı, bir kompıýterde aqparatty ózgertý jaǵdaıy bolǵan jaǵdaıda, júıe ol týraly bilip otyrady. Degenmen, tájirıbe kórsetkendeı, bundaı júıeniń ózi senimdi emes ekenin kórip júrmiz» dep jazady avtor.
Kembrıdj ýnıversıtetiniń professory Edrıan Kent vırtýaldy aqshany qaýipsiz tranzaktsııalaýdyń jańa ádisin oılap tapqan. Ol valıýtanyń jańa tıpin S-money dep atady. Bul júıe operatsııalardy óte jyldam oryndaýǵa septigin tıgizedi.
«Tutynýshy týraly aqparat jasyryn bolady jáne arnaıy matematıkalyq konvertpen arnaıy hattamada A núktesinen V núktesine jiberiledi. Bul jaǵdaıda aqsha týraly aqparat ózgertilmeıdi jáne tek birinshi tarap bergen kilt arqyly ǵana ekinshi tarap aqshany ala alady. Tipti, eki taraptyń biri aldaýy múmkin jaǵdaıda da tranzaktsııa qorǵalyp turady», dep jazady avtor.
Degenmen, avtordyń aıtýynsha, bul júıeni engizý óte kóp shyǵyndy qajet etedi. Soǵan qaramastan zertteýshiler bıyl tehnologııany synaqtan ótkizedi.
