Vınýs Ýılıams apatqa ushyrady, bir adam mert boldy
ASTANA. QazAqparat - Amerıkalyq tennısshi Vınýs Ýılıams ózge mashınadaǵy 78 jastaǵy er kisi ajal qushqan jol apatyna tap boldy, dep habarlaıdy VVS.
Amerıkalyq BAQ-tyń deregi boıynsha, Ýılıams júrgizip kele jatqan avtomobıl kóshe qıylysynda ishinde 78 jastaǵy Djer Barson otyrǵan basqa kólikpen soqtyǵysqan, mashınanyń rýlinde onyń jubaıy bolǵan.
Zardap shegýshi aýrýhanaǵa jetkizildi, ol kóp uzamaı kóz jumdy. Onyń jubaıy da kóptegen dene jaraqattaryn alǵan, alaıda onyń ómirine esh qaýip joq.
Polıtsııanyń pikirinshe, apat 37 jastaǵy sportshynyń kinásinen bolǵan, ol basqa avtomobılge jol bermegen.
Ýılıamstyń advokattary bunyń jazataıym oqıǵa bolǵanyna sendirýde.
